Өчигдөр орой Хөвсгөл аймгийн Мөрөн хотод шинэ коронавирусний халдварын сэжигтэй нэг иргэнийг Халдвартын эмнэлэгт тусгаарлаад байна.

Тус иргэнээс шинжилгээ авч Халдвар судлалын үндэсний төв рүү илгээсэн бөгөөд шинжилгээний хариу 02-р сарын 12-нд буюу лхагва гарагт гарна гэдгийг эх сурвалж мэдээллээ.

Энэхүү сэжигтэй тохиолдол нь өвчлөл гэж оношлогдоогүй байгаа учраас иргэдийг тайван байж эрүүл мэндийн байгууллагаас өгч буй заавар зөвлөмжийг дагаж мөрдөхийг Хөвсгөл аймгийн Эрүүл мэндийн газраас онцгойлон анхааруулж байна.