Орхон аймагт сэжигтэй байж болзошгүй тохиолдол гарлаа. Энэ асуудаар ЭМЯ-ны Олон нийттэй харилцах, Тандалт, шуурхай удирдлагын газрын дарга Д.Нарангэрэл мэдээлэл хийлээ.

Тэрбээр “Орхон аймгийн Өрхийн эрүүл мэндийн төвд нэгэн иргэн ирж үзүүлээд “Ухань хотоос нэгдүгээр сарын 27-нд ирсэн” гэж хэлсэн ч тийм байх боломжгүй. Учир нь нэгдүгээр сарын 23-нд хил хаасан. Одоогоор тухайн иргэний биед ямар нэгэн зовуурь байхгүй. Тиймээс сэжигтэй тохиолдол гэж үзэхгүй ч асуумж авч, тандалт судалгааг хийж байна. Тухайн иргэний хувьд амьсгалын замын өвчний шинж тэмдэг илэрсэн учраас өөрөө өрхийн эмнэлэгтээ хандсан.

Шинжилгээний хариу гараагүй, тандалт хийх хугацаанд сэжигтэй тохиолдол илэрлээ гэж цуу яриа үүсгэхгүй байхыг хүсье. ДЭМБ-аас БНХАУ руу явдаг ойрын 21 хоногтоо зорчихгүй байх зөвлөгөө өгч байгаа. Энэ зөвлөмжийг дагах, хэрэв аялсан бол халдварын нууц үе дуустал өөрийгөө тусгаарлах шаардлагатай байна” гэв.

ШУУД ҮЗЭХ: