Нийслэлийн Хан-Уул дүүргийн 12-р хороо буюу Биокомбинатад 50 ортой хүүхдийн эмнэлэг ашиглалтад орж, өнөөдөр нээлтээ хийлээ.

Эмнэлгийг БНХАУ-ын Энхтайван, хөгжлийн сангийн буцалтгүй тусламжаар хоёр сарын хугацаанд барьсан бөгөөд нийт өртөг нь 500 мянган ам.доллар аж.

Эмнэлгийг бүхэлд нь орчин үеийн техник төхөөрөмжөөр тохижуулсан бөгөөд иж бүрэн  тоноглосон сэхээн амьдруулах тасаг, нярайн инкубатор, хүчилтөрөгч өтгөрүүлэгч, хяналтын дэлгэц, хэвлийн эхо, шүдний иж бүрэн кабинет, утлагын аппарат, цусан дахь сахар хэмжигч, нярайн дулаацуулагч болон нярайн шарыг хэмжих багаж, ариутгалын багаж зэрэг эмнэлгийн хэрэгцээний бүх тоног төхөөрөмж байгаа аж.