Энэ удаа ээжүүддээ зориулаад зайлшгүй шаардлагатай сэрэмжлүүлэг хүргэе.
Манайхан бүгдээрээ л ухаалаг утастай. ЭХО-д харуулж байхдаа хүртэл утсаа хажуудаа тавина. Тэр бүрт тайлбарлаад байх боломжгүй учраас хуудсаараа дамжуулаад мэдсэн дуулсанаа хуваалцаж байна.

Утаснаас ялгардаг туяа долгион хүний биеийг нэвтлэх чадвартай гэдгийг хүн бүр мэднэ. Үүнээс шалтгаалаад жирэмсэн үед ухаалаг утас хэт их хэрэглэх нь урагт тархины хавдар үүсгэх хүчин зүйлийн нэг болдогийг Йелийн сургуулийн эрдэмтэд тогтоосон байсан.

Эхийхээ гэдсэнд байх ураг, мөн нярай болон нялх хүүхэд утаснаас ялгарч буй цацраг туяаг насанд хүрэгчдээс 2 дахин их хэмжээгээр тархиндаа шингээж байдаг тухай судалгааны баримтанд дурджээ.

Ер нь тэгээд хамгаалалт хаана сул байна тэнд гадны нөлөө хүчтэй тусаж байдаг шүү дээ. Иймээс ээжүүдээ жирэмсэн үедээ гар утас болон компьтерийн хэрэглээгээ хязгаарлах, тэр тусмаа жирэмсний сүүл 2 сард бүр хатуу хориглох хэрэгтэй байна.
Эмч нь та нарыг гар утсаа бүр хэрэглэхээ боль гэж хэлж чадахгүй учраас ядаж чихэвч хэрэглэж байхыг зөвлөж байна.  Яагаад гэхээр утас ажиллаж байх үедээ илүүтэй долгион ялгаруулж байдаг учраас илүү хөнөөлтэй байх нь ойлгомжтой.