"Нойр нь эрүүл амьдрахын үндэс суурь. Нойрны эмгэгээс болж даралт ихсэх, зүрхэнд шигдээс, тархины харвалт, чихрийн шижин, сэтгэн бодох, танин мэдэх чадвар буурах зэрэг хүндрэлүүдийг дагуулж байдаг" хэмээн 

Төрийн тусгай албан хаагчдын нэгдсэн эмнэлгийн захирал Л.Баттөр: 

Нойрны төв нь тус эмнэлэгт өнгөрсөн оны арваннэгдүгээр сараас эхлэн үйл ажиллагаа явуулж эхэлсэн бөгөөд "Дэлхийн нойрны өдөр"-ийг тохиолдуулан өнөөдөр албан ёсоор нээлтээ хийж байна.  

Уг төв Монголд анх удаа нээгдэж буйгаараа онцлогтой. Нойрны төвийн хувьд нойрны олон үйлдэлт бичлэгийн хоёр багаж, эерэг даралтат тогтмол агаарын эмчилгээний гурван багажтай.  Нойрны олон үйлдэлт бичлэгийн багажаар хүнийг унтаж байх бүтэн шөнийн туршид тархины цахилгаан бичлэг, нүдний алимны хөдөлгөөн, хамрын болон цээж, хэвлийн амьсгалын хэмжээ, цусан дах хүчилтөрөгчийг хэмжих зэрэг олон үзүүлэлтийг видео камерийн хамт хянаж, эмгэгийг тодорхойлох боломжтой.

Нойрны төв нь өнөөдрийг хүртэлх хугацаанд 37 иргэнд эмчилгээ, үйлчилгээ үзүүлсэн бөгөөд нойрны ямар нэг эмгэг шинж илэрч буй иргэд харьяалал харгалзахгүйгээр эрүүл мэндийн даатгалаараа хөнгөлүүлэн үйлчлүүлэх боломжтой бөгөөд байршлын хувьд Төрийн ордны баруун талд буюу Төрийн тусгай албан хаагчдын нэгдсэн эмнэлэгт байрлаж байна. 

Нойрны эмгэг шинжүүд: 

• Хурхирах
• Унтаж чадахгүй хөрвөөх
• Өдрийн турш нойрмоглох
• Өглөөд толгой өвдөж сэрэх
• Хөл үргэлж өвдөн, татганах