Эрүүл мэндийн ажилтны ҮЭ-ийн холбоо Эрүүл мэндийн сайд Д.Сарангэрэл, Төрийн нарийн бичгийн дарга Э.Содномжамц тэргүүтэй төлөөлөлтэй уулзаж, салбарын ажилтнуудын цалин хөлсийг нэмэгдүүлэх асуудлыг 2019 оны төсөвт тусгах, нийгмийн хамгаалалд тулгамдаж буй асуудал болон өрхийн эрүүл мэндийн төвүүдийн эмч, сувилагч, ажилтнуудын цалин орлогыг нэмэгдүүлэхэд тулгарч буй асуудал бэрхшээл, түүнийг хамтран шийдвэрлэх арга замын талаар санал солилцож, нэгдсэн саналд хүрч холбогдох яамдтай хамтран ажиллахаар болжээ.
Энэ ажлын хүрээнд МЭМАҮЭ-ийн холбооны дэргэд байгууллагдсан шуурхай ажлын хэсэг их эмч, эмнэлгийн тусгай мэргэжилтэн болон бусад ажилтнуудын цалингийн ангилал зэрэглэлийг ахиулах замаар үндсэн цалинг нэмэгдүүлэх саналыг ЭМЯ-ны Эмнэлгийн тусламжийн газрын дарга М.Баттүвшин тэргүүтэй холбогдох газар, хэлтсийн мэргэжилтнүүдтэй зөвшилцөн нэгдсэн санал боловсруулсан байна.