Цалин нэмүүлэхийн төлөөх ажил хаялтын өмнөх суулт өнөөдрөөс эхлэн улам хүрээгээ тэлж МҮЭ-ийн холбооны ерөнхийлөгч Х.Амгаланбаатар, дэд ерөнхийлөгч С.Эрдэнэбат, ерөнхий нарийн бичгийн дарга Г.Адъяа нар гишүүд дэмжигчдийнхээ хамт суултад нэгдлээ. 

МҮЭ-ийн шаардлагаар Хөдөлмөр, нийгмийн зөвшлийн гурван талт 2017-2018 оны улсын хэлэлцээрээр тохиролцсоны дагуу 2018 оны тавдугаар сарын 1-ний өдөр эхэлсэн цалингийн нэмэлт хэлэлцээ 2018 оны тавдугаар сарын 15-нд дахин үргэлжилсэн боловч тодорхой үр дүнд хүрээгүй тул нийт ҮЭ-ийн зүгээс холбогдох хуулийн дагуу хөдөлмөрийн хамтын маргааныг үүсгэн тэмцлийг орон даяар зохион байгуулахаа мэдэгдсэн билээ.