Дэлхий нийтээрээ гуравдугаар сарын 24-ний өдрийг сүрьеэтэй тэмцэх өдөр болгон зарласан. Манай улс ч энэ өдөр тэмдэглэн сүрьеэгийн хор уршигийг иргэдэд сурталчлах, урьдчилан сэргийлэх төрөл бүрийн арга хэмжээ зохион байгуулдаг. Тэгвэл өнөөдөр ХӨСҮТ-ийн Эмнэлгийн тусламж үйлчилгээний тасгаас  нийт эмч ажилчидынхаа дунд уралдаант АХА тэмцээнийг зохион байгууллаа.

2017 оны 08 дугаар сарын 23-нд Эрүүл мэндийн сайдын А306 тушаалаар Сүрьеэгийн тусламж үйлчилгээний шинэчилэгдсэн заавар батлагдсан бөгөөд энэ тушаалыг сурталчилах, сүрьеэ өвчний талаарх ойлголт, сүрьеэ өвчний тусламж үйлчилгээ, чанар аюулгүй байдлын талаарх мэдлэг мэдээллийг нэмэгдүүлэх зорилготойгоор тус тэмцээнийг зохион байгууллаа.

Нийт 30 тасгийн 60 гаруй эмч, ажилтнууд оролцсон АХА тэмцээний нэгдүгээр байранд ХӨСҮТ-ийн Гэдэсний халдварын тасгийн бага эмч н.Ариунжаргал  орсон бол ХӨСҮТ-ийн Тандалт судалгааны албаны эмч н.Энхтамир  хоёрдугаар байранд орж, өргөмжлөл, мөнгөн шагналаар шагнуулсан юм.

Анх 1882 оны гуравдугаар сарын 24-ны өдөр доктор Роберт Коч сүрьеэгийн вирусыг анх илрүүлсэн байдаг. Үүнээс хойш зуун жилийн дараа буюу 1982 оны гуравдугаар сарын 24-ны өдрийг “Сүрьеэтэй тэмцэх дэлхийн өдөр” болгон зарласан түүхтэй. Энэ өвчин дэлхийн нас баралтын тэргүүлэх 10 шалтгааны нэгт багтсан хэвээр байгаа юм. Жил бүр сүрьеэ өвчний 10.4 сая шинэ тохиолдол бүртгэгдэж, 1.8 сая хүн хорвоог орхиж байна. Манай улс ДЭМБ-ын Номхон далайн баруун эргийн бүсийн 37 орноос сүрьеэгийн өвчлөл өндөртэй орны тоонд ордог.

Сүүлийн таван жилийн эрүүл мэндийн статистик үзүүлэлтээр сүрьеэ нь улсын хэмжээнд бүртгэгдэж буй нийт халдварт өвчний дотор дунджаар 9.8 хувийг эзэлж, жил бүр 4000 гаруй хүн шинээр сүрьеэ өвчнөөр өвчилж байгаа аж.

СҮРЬЕЭ ЭДГЭРДЭГ ӨВЧИН.