Өнөөдөр өглөө 2018 оны анхны 3 ихэр мэндэллээ. ЭХЭМҮТ-д мэндэлсэн 3 ихрийн анхных нь 09:55-д мэндэлсэн бөгөөд ихрүүд 2100-2300 гр жинтэй эсэн мэнд төржээ. Ихрүүдийн ээж н.Мөнхгэрэл энэ жил 31 настай, 4 дэх төрөлтөөрөө 6-н хүүхдийн ээж болж байгаа аж. Ихрүүдийн нэг нь охин, 2 нь хүү гэнэ. Д.Энхтүвшингийнх гэх айл ийнхүү 5 хүү, хүсэн хүлээсэн 1 охинтой болж байгаа ажээ. Эх, ихрүүдийн биеийн байдал сайн байна.

Д.Энхтүвшин, н.Мөнхгэрэл нарынхаа гэр бүлд аз жаргал, эрүүл энх, хамгийн сайн сайхан бүхнийг хүсэн ерөөе.