"Бяцхан Агаар" аянд Нийгмийн эрүүл мэндийн үндэсний төвийн хамт олон нэгдэж, хандив өглөө. Улс орны хэмжээнд байгууллага бүр, иргэн бүр агаарын бохирдлыг бууруулах, гэр бүл үр хүүхдийнхээ эрүүл мэндийг хамгаалахын тулд чадах чинээгээрээ үйл ажиллагаа явуулж, хамтран нэгдэж, мэдээлэл солилцож байгаа. Энэ цаг дор нийтийн эрүүл мэндийн төлөө цаг наргүй ажилладаг манай хамт олон хүн амыг өвчлөхөөс урьдчилан сэргийлэх, эрүүл мэндээ хамгаалах зөв зан үйлийг төлөвшүүлэх, судалгаа нотолгоо бий болгох, эрүүл мэндийн боловсрол олгох чиглэлээр ажиллахын сацуу сайн үйлсийн аяныг дэмжин гар бие оролцож байгаадаа таатай байна. Мөн бусад төр, хувийн хэвшлийн байгууллагуудыг аянд нэгдэхийг уриалж байна.