Өнөөдөр Эрүүл мэндийн сайд А.Цогцэцэг Эрүүл мэндийн хөгжлийн төвийн даргаар н.Нарантуяаг томилжээ. Түүнд ЭМЯ-ны Төрийн нарийн бичгийн дарга Д.Очирбат тамга, тэмдгийг нь гардуулан өгсөн байна. Өмнө нь тус төвийн даргаар Ч.Бат-Эрдэнэ ажиллаж байсан юм.

Энэ долоо хоногийн хувьд Эрүүл мэндийн сайдын тушаалаар Хавдар судлалын үндэсний төвийн ерөнхий захирлын албан үүргийг түр орлон гүйцэтгэгчээр Ж.Чинбүрэнг, ГССҮТ-ийн ерөнхий захирлын албан үүргийг түр орлон гүйцэтгэгчээр Т.Мөнхсайхан нарыг томилсон билээ.