Эрүүл мэндийн сайдын тушаалын дагуу “Дархлаажуулалтын 10 хоног”, Улаанбурхан, томуу, томуу төст өвчнөөс сэргийлэх ажлууд улс орон даяар 2016 оны аравдугаар сараас эхлэн зохион байгуулагдаж байгаа билээ.

Энэхүү ажлын хүрээнд Нийгмийн эрүүл мэндийн хүрээлэнгийн эрдэм шинжилгээний ажилчид  УБТЗ-ын харъяа Тээврийн дээд сургууль, АШУҮС-ийн Эм зүй, Биоанагаахын сургууль, Барилгын политехникийн коллеж, Зохиомж дээд сургууль болон СУИС-ын Радио телевиз, медиа урлагийн сургуулийн нийт 500 гаруй оюутан, залууст  “Улаанбурхан, томуу, томуу төст өвчний дархлаажуулалт” болон “Халдварт өвчнөөс урьдчилан сэргийлэх” талаар лекц уншиж, зөвлөгөө мэдээлэл өглөө. Сургалтын үеэр тэмбүү, сүрьеэ, сэтгэл гутралболон ХДХВ/ДОХ-ын халдвараас сэргийлэх, товлолын вакцины талаар гарын авлага, постер, мэдээлэл сурталчилгааны материалыг тараав.