2016 оны 10 дугаар сарын 26-28-ны  өдрүүдэд Цус Сэлбэлт, Судлалын Үндэсний Төвд “Эрүүл мэндийн салбар хөгжил хөтөлбөр-5” төслийн хүрээнд  “Цус, цусан бүтээгдэхүүний эмнэлзүйн зохистой хэрэглээ” сэдэвт сургагч багш бэлтгэх сургалт амжилттай зохион байгуулагдлаа.

Энэ жил хоёр дахь удаагаа зохион байгуулагдаж байгаа уг сургалтанд 26 цусны салбар төвийн эрхлэгч эмч нар болон Цус Сэлбэлт, Судлалын Үндэсний Төвийн тасгийн эрхлэгч нарын 40 хүн оролцлоо. Уг сургалтын зорилго нь цусны салбар төвийн эрхлэгч, эмч нарын цус сэлбэлтийн талаарх мэдлэгийг сайжруулахад оршино.