Манай улсын өвчнөөс шалтгаалсан нас баралтын 2-р байранд элэгний өвчлөл ордог бөгөөд элэгний хавдар үүсэх шалтгааны 95% нь элэгний В, С вирус байдаг. Түүнчлэн нийт хүн

амын 15% нь элэгний С вирустай, 10% нь элэгний В вирусын халдвартай байна.

Тийм ч учраас үйлчлүүлэгчдийн зүгээс С вирусын эсрэг эмчилгээнд баярлаж талархсан иргэдийн тоо өдрөөс өдөрт нэмэгдэж байна.

2015 оны 12 сараас эхлэн хийгдсэн элэгний С вирусын эмчилгээнд одоогоор 4000 гаруй өвчтөн хамрагдсан ба эмчилгээний үр дүн маш өндөр гарсан.

Хаппи Веритас оношилгооны төв нь оношилгоо эмчилгээ, хяналтыг цогцоор нь хийдэг

бөгөөд тус төвд элэгний С вирусын эмчилгээнд нийтдээ 1800 орчим өвчтөн хамрагдаж

байна.

Ингээд Хаппи Веритас оношилгооны төвөөс гаргасан тоон мэдээлэлтэй танилцацгаая.

Эмчилгээнд хамрагдаж буй үйлчлүүлэгчдийн 27%-д нь хөнгөн хэлбэрийн гаж нөлөө илэрсэн байна.

Элэгний С вирусын эсрэг эм нь бага зэргийн хүчтэй эм учир зарим өвчтөнд ууж байх хугацаанд хөнгөн хэлбэрийн гаж нөлөө илэрсэн ба эмчилгээ дууссан хойно арилсан байдаг.