Дөрөвдүгээр сарын 24-нд Халдварт өвчин судлалын үндэсний төвд "эклер" идсэнтэй холбоотой 32 хүн хандсан тухай бид өмнө нь мэдээлсэн.  Тэгвэл өнөөдрийн байдлаар эклернээс хордлого авсан хүмүүсийн тоо 128 болж, 79 хүн ХӨСҮТ-д хэвтэн эмчлүүлж байгаа тухай Нийслэлийн Мэргэжлийн Хяналтын Газраас мэдээллээ.

Тиймээс "Нью Свийт Фүүдс" ХХК-ийн эклер нэрийн бүтээгдэхүүнийг худалдан авсан иргэд хүнсэндээ хэрэглэхгүй байхыг анхааруулж байна.  Хэрэв танд хоолны хордлогын хам шинж илэрсэн бол яаралтай ХӨСҮТ-д хандаарай.