Халдварт өвчин судлалын үндэсний төвөөс хепатитийн С вирүст халдварыг илрүүлэх, эмчилгээний явцад хийх шаардлагатай шинжилгээг хийх чадавхи бүхий лабораторийн талаарх мэдээллийг олон нийтэд хүргэнэ гэдгийг урьд нь хэлж байсан.

Түүний дагуу Хепатитын С вирүсийн нуклейн хүчлийн хэмжээг тодорхойлох шинжилгээний чанарын  үнэлгээг  ХӨСҮТ-ийн Нэгдсэн лабораторийн албанаас зохион байгуулав.

   ХӨСҮТ-ийн Нэгдсэн лабораторийн алба нь эмнэлгийн лабораторийн чанар ур чадварт тавигдах шаардлага MNS ISO 15189:2008 стандартаар магадлан итгэмжлэгдсэн Үндэсний Лавлагаа Лаборатори юм.

Энэ удаагийн үнэлгээний ажлын хамтран зохион байгуулагч байгууллагаар  Цус Сэлбэлт Судлалын Үндэсний Төв  ажилласан байна. 

Хепатитын С вирүсийн нуклейн хүчлийн хэмжээг тодорхойлох шинжилгээний чанарын гадаад үнэлгээнд  нийт 18 эмнэлгийн лаборатори саналаа ирүүлж үнэлгээ хийлгэснээс одоогоор 10 нь энэхүү шинжилгээг хийх боломжтой гэж үнэлэгдсэн байна. Үүнд:

 Грандмед эмнэлэг, Интермел эмнэлэг, Гялс анагаах ухааны төв, Хаппи веритас лаборатори, Сонгодо эмнэлэг, Элэгний төвийн лаборатори, Мед-аналитик лаборатори, Онкоген лаборатори, Стандлаб лаборатори, Итгэл эрүүл мэндийн төвийн лаборатори шалгарчээ.

.

Эдгээр эмнэлэг болон лабораториудад  Хепатит С вирүсийн нуклейн хүчлийн хэмжээг тодорхойлох шинжилгээг хийх батламжийг өнөөдөр ХӨСҮТ-ийн ерөнхий захиралын тушаалаар гардуулан олголоо.