Жил бүрийн өдийд буюу зуны улиралд амралт зугаалгын үе таардаг учраас улсын хэмжээнд цус, цусан бүтээгдэхүүний нөөцийн хомсдолд ордог.
Тэгвэл ГССҮТ-ийн Түлэнхийн тасагт цусны нөөц хүрэлцэхгүй байгаа тул энэ сарын 07-ны өглөө цус хуримтлуулах ДОНОР-ын үйл ажиллагааг зохион байгуулах гэж байгаа юм байна.

Санамсар болгоомжгүй байдлаар түлэгдэн, өвчиндөө шаналж буй хүүхдүүдэд тус болохыг уриалж байна.

Донор үйл ажиллагаанд оролцох хүмүүст сануулахад 16-аас дээш насны шарлаж байгаагүй хүмүүс хамрагдах боломжтой бөгөөд цусаа бэлэглэхдээ иргэний үнэмлэхтэйгээ очоорой. Мөн сайн унтаж амарсан, өөх тостой хоол, сүү сүүн бүтээгдэхүүн хэрэглээгүй байх ёстой юм байна.