Өнөөдөр Шуурхай удирдлагын төвд "Хоолны хордлогот халдвар, эрсдлийн үеийн харилцаа холбоо"-ны талаар ширээний дасгал, сургуулилт болж, Үндэсний аюулгүй байдлын зөвлөл, ЭМСЯ, МХЕГ, ХӨСҮТ, НЭМХ, НМХГ-ын удирдах ажилтан, мэргэжилтнүүд оролцлоо.

Дасгал сургуулилтын үед Эрүүл мэндийн сайдын 185 тоот тушаалын шинэчилсэн хувилбарыг туршиж, шинэчлэх талаар ярилцлаа. ДЭМБ-ын Номхон далайн баруун бүсийн зөвлөх мэргэжилтэн Peter болон Үндэсний аюулгүй байдлын зөвлөлийн ажилтан Д.Энхмаа нар ажиглагчаар оролцлоо.

Ажиглагчид дасгал сургуулилт болон Шуурхай удирдлагын төвийн үйл ажиллагааг хангалттай сайн гэж үнэллээ. Мөн Шуурхай удирдлагын төвийн өнөөдрийн хуралд ДЭМБ-ын Номхон далайн баруун бүсийн зөвлөх мэргэжилтэн Peter болон ХӨСҮТ, МХЕГ, НМХГ, НЭМХ-ийн мэргэжилтнүүд оролцлоо. Зөвлөх мэргэжилтэн Шуурхай удирдлагын төвийн тайван цагийн үйл ажиллагаа сайн тогтворжсоныг тэмдэглэн хэлж, цаашид тохиолдлын удирдлагын тогтолцоог нэвтрүүлэх талаар зөвлөмжөө өглөө.