Монгол улсын Засгийн газрын 225 дугаар тогтоолоор батлагдсан “Гэр бүлийн хүчирхийлэлтэй тэнцэх үндэсний хөтөлбөр”-ийг хэрэгжүүлэх ажлын хүрээнд гэр бүлийн хүчирхийллийн улмаас насанд хүрээгүй хүмүүсийн эрх ашиг зөрчигдөж, хохирсон далд гэмт хэргийг илрүүлэх, өөрсдийгөө урьдчилан сэргийлэх чадвар суулгах зорилготой сургалт ХУД-т явагдаж байна. 
Хан-Уул Дүүргийн:
    Албан бус-Насан туршийн боловсролын төв
    Цагдаагийн 2-р хэлтэс
    Нийгмийн хөгжлийн хэлтэс
    Эрүүл мэндийн нэгдэл гэсэн бүрэлдэхүүнтэйгээр дүүргийн 2-р хэлтсийн нутаг дэвсгэрт орших 11 хороодын иргэний танхимд  нийт иргэдэд сургалтыг 2014 оны 04 сарын 08-наас 05 сарын 08 хүртэлх хугацаанд зохион байгуулагдах юм. 
Сургалтанд хороодын архинд хэт орсон болон захиргааны зөрчил гаргаж байсан иргэд мөн тэдгээрийн гэр бүлийн хүмүүс сургалтанд хамрагдаж байна. Сургалтыг Хан-Уул дүүргийн Албан бус-Насан туршийн боловсролын төвийн багш нар “Гэр бүлийн хүчирхийлэл гэж юу вэ?” сэдвээр мэдээлэл хийж богино хэмжээний видео бичлэг үзүүлэн иргэдийн асуултанд хариулт өгч байв. ХУЭМН-ийн Сэтгэцийн эрүүл мэнд, Наркологийн кабинетын эмч Д.Оюунчимэг “Архины хор уршиг, түүнтэй холбоотой зарим асуудлууд” сэдвээр сургалт хийж, архинд донтох өвчин болон архины хэрэглээнээс үүдэлтэй зан төрх үйлийн өөрчлөлтийн талаар мэдээлэл хийж, иргэдийн сонирхсон асуултанд хариулж, зөвлөгөө зөвлөмж хийв. Сургалтын дараа иргэдээс гарч буй санал хүсэлтийг хүлээн авч, сургалтын талаарх сэтгэл ханамжийн үнэлгээг авах аж.