Тус уулзалтын үеэр Эрүүл мэндийн дэд сайд Ж.Амарсанаа хэлэхдээ, “Сүрьеэгийн өвчлөл буурахгүй байгаа гол шалтгаан нь ядуурал түүнийг дагасан шилжилт хөдөлгөөн. Сүрьеэтэй тэмцэх хамгийн шилдэг арга бол эрт илрүүлж эмчилгээнд төгс хамруулах, хавьтлуудыг хяналтад байлгаж өвчлөлөөс сэргийлэх билээ. Тэгвэл Өрхийн эмнэлгүүд сүрьеэгийн чиглэлээр одоо хийж буй ажлаа улам өргөжүүлэх, сорьц тээвэрлэлтийг нэмэгдүүлэх, сорьцны чанарт анхаарах, сүрьеэгийн ялгаварлан гадуурхалтыг бууруулах нь чухал байна. Манай улсын хувьд анхан шатны тусламжийн чанарыг нэмэгдүүлснээр бид сүрьеэтэй тэмцэхэд ихээхэн дэвшлийг бусад орнуудын адилаар гаргаж чадна” гэв.