Монгол Улсад 2006 оноос хойш хэрэгжиж буй “Шинэ болон сэргэн тархаж буй халдварт өвчний тэмцэх сэргийлэх төлөвлөгөө”-ний хэрэгжилтэд ДЭМБ-ын Номхон далайн баруун бүсийн зөвлөх мэргэжилтнүүд үнэлгээ хийхээр 2015 оны 4 дүгээр сарын 20-ноос 24-ний хооронд ажиллаж байна.

4 дүгээр сарын 20-нд ЭМСЯ, ХХААЯ, МХЕГ, ХӨСҮТ, ЗӨСҮТ-ийн удирдах ажилтнууд мэргэжилтнүүд оролцсон хурлыг зохион байгуулж, үнэлгээний зорилгыг танилцууллаа.

Өнөөдөр буюу 2015 оны 04 дүгээр сарын 21-нд Шинэ болон сэргэн тархаж буй халдварт өвчний төлөвлөгөөний хэрэгжилтийн үнэлгээний нэгдсэн уулзалтыг ЭМСЯ-ны Б зааланд зохион байгууллаа. Энэ удаагийн уулзалтад ЭМСЯ, ХХААЯ, МХЕГ, ХӨСҮТ, ЗӨСҮТ, НЭМХ, мал эмнэлгийн хүрээлэн зэрэг мэргэжлийн байгууллагын мэргэжилтнүүд оролцож байна.