Сүхбаатар дүүргийн Ахмадын хороо Геронтологийн үндэсний төв хамтран “Настанд туслах сайн дурын идэвхтэн” бэлтгэх сургалтыг Засаг даргын Тамгын газрын иргэний танхимд өнөөдрөөс эхлэн зохион байгуулж байна. Сургалт 2015 оны гуравдугаар сарын 20-ны өдөр хүртэл үргэлжлэх юм.

Энэхүү сургалтаар эрүүл мэндийн анхан шатны тусламж үйлчилгээ үзүүлдэг настанд туслах сайн дурын идэвхтэн бэлтгэх юм. Сургалтанд нийслэлийн дүүргүүдийн ахмадууд хамрагдаж байна. Сургалтанд хамрагдсанаар ахмадууд маань эмнэлгийн анхан шатны тусламж үйлчилгээг үзүүлэх, өвчнөөс урьдчилан сэргийлэх мэдлэг, ур чадвартай сайн дурын идэвхтэн болж, настан хүн амын эрүүл аж төрөх хандлага дээшлэх юм.