Олон улсын сувилагчдын өдрийг тохиолдуулан Хан-Уул дүүргийн Эрүүл мэндийн нэгдлийн Сувилгааны албанаас 04-р сарын 21-ны өдөр “Эх, хүүхдийн сувилахуйн тусламж үйлчилгээний чанарыг сайжруулъя” сэдэвт эрдмийн чуулган зохион байгууллаа. Чуулганд ХУД-ын ЭМН, ӨЭМТ-ийн нийт 30 гаруй сувилагч мэргэжилтнүүдийн судалгааны ажлаас 22 илтгэлийг хэлэлцүүллээ.

Хурлын шүүгчээр ХУД ЗТДГ-ын эрүүл мэндийн асуудал хариуцсан мэргэжилтэн Г.Алтангэрэл, ЭМН-ийн дарга Т.Пүрэвчулуун, ЭМН-ийн статистикч их эмч З.Туяа  нар ажиллаж илтгэлийг 5 үзүүлэлтээр шүүж байр эзлүүлсэн байна. Илтгэлүүдээс ДШБ кабинетын сувилагч Х.Оюунбатын  “Чихрийн шижин өвчний хяналтын байдалд хийсэн судалгаа” сэдэвт илтгэл 68 оноогоор 1-р байр, Гэмтлийн сувилагч Д.Энхжаргалын “0-16 насны хүүхдүүдийн дундах осол гэмтлийн байдалд хийсэн судалгаа” 67 оноогоор 2-р байр, Энхтитэм ӨЭМТ-ийн ахлах сувилагч Т.Мөнгөнцэцэгийн  “Охидын дунд нөхөн үржихүйн эрүүл мэндийн талаарх мэдлэг, хандлагын түвшинг судалсан байдал” илтгэл 64 оноогоор 3-р байр, Хэвтэн эмчлүүлэх тасгийн ахлах сувилагч А.Байнаахандын “Гавал тархины мэс заслын дараа олонтой тохиолдох эмгэгүүдийн мэдрэхүй үйл ажиллагааны чадвар алдалтыг судлах нь” сэдэвт илтгэл 62 оноогоор 4-р байр, Хавдар бүртгэгч бага эмч Ц.Нарантуяа, хавдрын кабинетын сувилагч Л.Алтанчимэг нарын “Хан-Уул дүүрэгт явагдсан умайн хүзүүний өмөнгийн эрт илрүүлэлтийн ажлын үр дүн” сэдэвт судалгаа 59 оноогоор 5-р байрыг тус тус эзэллээ. Шүүгчдээс  илтгэгч нарын ур чадвар сайн, сэдвийн ач холбогдол, агуулга цаг үеэ олсон байсан хэдий ч цаашид судалгааны бүтэц, боловсруулалтын байдалд анхаарах шаардлагатай бөгөөд зорилго, зорилтоо зөв тодорхойлж, үр дүнгээ сайн гаргах хэрэгтэй байгааг анхааруулсан байна. ЭМН-ийн Сувилгааны албанаас илтгэлүүдийг хураангуйг ном болгон гаргалаа.