Хавдрын эсрэг үндэсний аяны хүрээнд Хавдар судлалын үндэсний төвийн эмч нарын баг хөдөө орон нутгийн иргэдийг үнэ төлбөргүй үзлэгт хамруулахаар болсон байна. Энэхүү үзлэг нь тавдугаар сарын 5-нд Орхон, Булган аймгаас эхлэн нийт 12 аймаг, хоёр сумын иргэдийг үзэх юм. Тавдугаар сарын 11-22-нд Говьсүмбэр, Дорноговь, Замын-Үүд хотод, 18-23-нд Өмнөговь, 25-29-нд Төв аймагт тус тус ажиллах юм. Харин зургадугаар сарын 1-13-нд Архангай, Өвөрхангай, 8-13-нд Сүхбаатар, 15-20-нд Говь-Алтай, 15-25-нд Увс аймагт тус тус ажиллана. Дашрамд дурдахад, үзлэгт хамрагдах иргэд аймгийнхаа нэгдсэн эмнэлэгт урьдчилан бүртгүүлэх ёстой.