ӨнөөдөрАмгалан амаржих газар шинэ байртай болно
2015 оны 2 сарын 03
Нийслэлийн 2015 оны төсөвт тусгагдсаны дагуу нийслэлд 100 ортой хүүхдийн гурван эмнэлэг барихаар болсон. Хэдийгээр нийслэл эмнэлэг байгуулах үндсэн чиг үүрэг хүлээгээгүй ч одоогийн эмнэлгийн хүрэлцээ, нөхцөл байдал, иргэдээс авсан саналын дагуу нийслэлийн төсвөөр Чингэлтэй, Хан-Уул, Баянгол дүүрэгт тус бүр 100 хүүхдийн ортой эмнэлэг байгуулна. Мөн нийслэлийн Засаг даргын 2013-2016 оны үйл ажиллагааны хөтөлбөр, нийгэм, эдийн засгийн 2015 оны зорилтыг хэрэгжүүлэхээр төлөвлөгөөний дагуу дараахь ажлууд хийгдэнэ.
- Амгалан амаржих газрын 150 ор бүхий шинэ барилгыг ашиглалтад оруулна
- Налайх дүүргийн 2 дугаар хороонд 300 ортой Нэгдсэн эмнэлгийн барилгыг концессын гэрээгээр барьж ашиглалтанд оруулна.
- Туул тосгоны эрүүл мэндийн төв, Наркологийн эмнэлгийн барилгыг концессын гэрээгээр барина.
- Хонхор тосгоны Эрүүл мэндийн төвийн шинэ барилга бүрэн ашиглалтанд орно.
- Хан-Уул дүүргийн түргэн тусламжийн салбар пунктыг концессын гэрээгээр бариулж ашиглалтанд оруулна.
- Чингэлтэй дүүргийн түргэн тусламжийн салбар пунктыг гэрээгээр бариулж ашиглалтанд оруулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
НИЙСЛЭЛИЙН ТӨСВИЙН ХӨРӨНГӨӨР 2015 ОНД ЭРҮҮЛ МЭНДИЙН САЛБАРТ ХЭРЭГЖҮҮЛЭХ ХӨРӨНГӨ ОРУУЛАЛТЫН ТӨСӨЛ АРГА ХЭМЖЭЭ, БАРИЛГА БАЙГУУЛАМЖИЙН ЖАГСААЛТ
/сая төгрөг/
| № | Төсөл, арга хэмжээний нэр, хүчин чадал, байршил | Хугацаа | Төсөвт өртөг | 2015 онд санхүүжих дүн |
| ШИЛЖИХ | ||||
| 1. | Түргэн тусламжийн төвийн салбар пункт /ХУД 3-р хороо/ | 2014-2015 | 2,681.8 | 2,681.8 |
| ШИНЭ | ||||
| 1. | Хүүхдийн эмнэлгийн барилга /БГД/ | 2015-2015 | 1,000.0 | 1,000.0 |
| 2. | Хүүхдийн эмнэлгийн барилга /ЧД/ | 2015-2015 | 1,000.0 | 1,000.0 |
| 3. | Хүүхдийн эмнэлгийн барилга /ХУД, 5-р хороо/ | 2015-2015 | 825.0 | 825.0 |
| 4. | “Хүрээ” амаржих газрын дулааны узель | 2015-2015 | 30.0 | 30.0 |
| 5. | Нийслэлийн эрүүл мэндийн байгууллагуудын эмнэлгийн техник, тоног төхөөрөмж, багаж хэрэгсэл | 2015-2015 | 1,200.0 | 1,200.0 |
| Дүн | 6,736.8 | |||
- Нийслэлийн эрүүл мэндийн байгууллагуудын үйл ажиллагааг үр дүнгээр тооцож урамшуулдаг тогтолцоог бий болгох - 1,0 тэрбум төгрөг
- Эрүүл мэндийн анхан шатны тусламж үйлчилгээ - 17,8 тэрбум төгрөг
Мэдээнд өгөх таны үнэлгээ?
16978
0 эможи