Өчигдрөөс эхлэн Хүй долоон худагт Монгол улсад залуучуудын байгууллага үүсэж хөгжсөний 100 жил, Монголын үндэсний бөхийн холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан улс, аймгийн алдар цолтой 512 бөхийн барилдаан болж байна. 

Хэдийнээс шударга, сайхан барилдааныг шимтэн үздэг байсан ард түмэн сүүлийн жилүүдэд допингтой бөхчүүдэд хууртаад урам хугарсныг нуух юун. Түүний нэг бол яахын аргагүй хэнтий аймгаас төрөн гарсан Улсын аварга Э.Оюунболд. 

Тэрээр 2019 оны наадмаар аварга цол хүртсэн ч түүнээс S1.1A бүлгийн Станазол, S4 бүлгийн мелдониум, S5 бүлгийн гидрохлортиазид, хлориазид хэмээх дөрвөн төрлийн хориотой бодис хэрэглэсэн нь тогтоогдсон. Тухайн үед тэрбээр сүржин мэдэгдэл хийж, хэн нэгэнрүү алдаагаа тохож, шүүхээр заргалдсан ч түүний нэхэмжлэхийг хүчингүйд тооцсон. 

Гэвч тэр гүрийсээр... Даварсаар даварсаар Да ламын толгой дээр гэдэгчлэн тэр өнөөдөр Улсын Аварга цолтойгоор барилдаж, олон ч бөх сонирхогчийг доромжлон сууна. Үүнийгээ тэрээр юман чинээ тоохгүй байгаа нь халагламаар...