2025-2026 оны хичээлийн жилд Төрийн өмчийн ерөнхий боловсролын сургуулийн нэгдүгээр ангийн элсэлтийн цахим бүртгэл улсын хэмжээнд маргааш эхэлнэ.

Бүртгэл наймдугаар сарын 26-ны өдрийг дуустал E-Mongolia системээр дамжуулан үргэлжилнэ.

Энэ жил 2019 оны нэгдүгээр сарын 01-нээс 2019 оны арванхоёрдугаар сарын 31-ний хооронд төрсөн, 6 настай хүүхдүүд нэгдүгээр ангид цахимаар бүртгүүлэх боломжтой. Урьдчилсан тооцоогоор Монгол Улсын хэмжээнд нийт 78,189 хүүхэд нэгдүгээр ангид элсэн суралцах юм.