Дөрвөн жилд нэг удаа зохион байгуулагддаг MEMORIAD World Mental Sports Olympics (Memory, Mental Calculation and Speed Reading) буюу Оюуны олимп АНЭУ-ын Дубай хотод зохион байгуулагдаж байна.

Тус тэмцээнд Монгол Улсаас цээж бодолт болон ой тогтоолтын нийт 16 тамирчин багш дасгалжуулагч Х.Хатанбаатар, Б.Баасандорж, Ө.Сэнгэсамдан, Д.Баяраа нарын хамт оролцож байна. 

Н.Мөнхшүр, Т.Тунгалагжаргал нар "ОЮУНЫ ОЛИМП"-ын ой тогтоолтын төрөл болох "Тоо дүрс тохируулах" төрөлд бага (13 хүртэл нас) болон насанд хүрэгчдийн (13-аас дээш нас) ангилалд алтан медалийн эзэд болцгоолоо. 

Насанд хүрэгчдийн ангилал: 

Алтан медаль - Н.Мөнхшүр - 269 оноо

Мөнгөн медаль - Э.Үүрийнцолмон - 259 оноо

Хүрэл медаль - Н.Энхшүр - 257 оноо

Бага насны ангилал: 

Алтан медаль - Т.Тунгалагжаргал - 75 оноо

Мөнгөн медаль - О.Ирмүүн - 35 оноо

Хүрэл медаль - М.Гэгээн-Оюун - 32 оноо

Ийнхүү ой тогтоолтын хоёр удаагийн Дэлхийн Аварга, Олон Улсын Их Мастер Н.Мөнхшүр "Оюуны Олимп"-ын рекордыг шинэчилж Гиннесийн номд дахин бичигдэхээр боллоо.