FIDE (The International Chess Federation)-аас зохиодог 45 дахь удаагийн шатрын олимпиад Унгарын нийслэл Будапешт хотод үргэлжилж байна.

Энэ сарын 23-ыг дуустал үргэлжлэх тэмцээний Тавдугаар өрөгт Монголын эмэгтэй шигшээ баг АНУ-ыг, эрэгтэй баг Суданыг хожлоо.

Тодруулбал, эмэгтэй шигшээ баг тавдугаар өрөгт АНУ-ын шигшээ багтай таарсан бөгөөд Т.Мөнхзулын бүтэн оноогоор илүүрхэж 2.5-1.5 харьцаагаар хожлоо.

Ингэснээр эмэгтэй шигшээ баг 10 (14.5) оноотой болж 3-р байрт Энэтхэг, Арменийн шигшээ багуудын араас бичигдэж эхэллээ. Тэд Зургаадугаар өрөгт Гүржийн шигшээ багтай тоглоно.