“Монголын боловсролын системийн хоцрогдол: Амлалт болон хийх ажил” сэдвээр иргэн М.Төртогтох мэдээлж байна.

Тэрбээр "Манай улс дэлхийн хамгийн олом хичээл үздэг орноор тодорч байгаа.  Манай хүү 8-р ангид суралцдаг. Долоо хоногийн 5 өдөрт 19 хичээл үзэж байна. Манай хүү байтугай би ч энэ их хичээлийг ойлгохгүй.  Ийм байхад багш нь чи залхуу, чи даалгавар хийдэггүй гэдэг. Угтаа бол тэр хүүхэд ерөөсөө залхуу биш. Миний одоо ярьж байгаа дэлхийн улс орнууд 1940 онд ярьж байсан. Энэ тухайд хүүхдүүдээ, багш нараа сонсоод арга хэмжээ авсан, өөрчлөлт хийсэн. Яагаад гэвэл цэвэр боловсон хүчин улс оронд нь хэргтэй учраас сонссон. Хэн нэгэн дээрээс шууд ингэ тэг гэдэг зүйл боловсролд байдаггүй. Сүүлд багш нар хүүхэдтэй ажиллахаас илүү цаас, компьютерийн араас босохоо больсон. Энэ багш, сургуулийн удирдлагын буруу биш. Магадгүй хүн амын өсөлтөө тооцоолоогүй байх. Энэ хэвээр байхаар бол нэг айл нэг хүүхэдтэй байх хууль гарга.

Боловсрол өөрөө өөрийгөө хөгжүүлдэг. Тиймээс анги дүүргэлтээ багасгах шаардлагатай. Сургууль бүр нэг ээлжээр хичээллэж, нэг ангид 30 хүүхдээс ихгүй байх хэрэгтэй байна.

Судалгаагаар 15 настай хүүхэд унших чадвар муу бол цахим залиланд өртөх магадлал 50 хувь байна. Энэ нь тухайн хүүхэд уншаад бодож, анализ хийж чадахгүй байна гэсэн үг. Үүгээр юу хэлэх гээд байна вэ гэвэл боловсрол бол маш чухал асуудал юм" гэв.