Дэлхийн шилдэг 50 их сургуулийн бакалаврт суралцах оюутнуудын сонгон шалгаруулалтын дүнг БШУЯ-наас танилцууллаа. 

Тодруулбал, дэлхийн шилдэг 50-д эрэмбэлэгдсэн их, дээд сургуулийн бакалаврын үндсэн хөтөлбөрт суралцах эрх авч, 2023 оны сонгон шалгаруулалтад оролцож, суурь шаардлага хангасан иргэдийн үнэлгээг танилцуулав. 

2023 оны зургаадугаар сарын 23-ны өдрийн 12:00 цагт Нийслэлийн ерөнхий боловсролын нэгдүгээр сургуулийн спортын танхимд зохион байгуулагдах “Суралцах чадварын ерөнхий үнэлгээ”-нд иргэд оролцох боломжтой аж. 

Үнэлгээнд оролцогч нь тус өдрийн 11:00 цагт бэлэн байх ба гадаад улсаас оролцох иргэдэд цахим холбоосыг тус үнэлгээг зохион байгуулахаас нэг өдрийн өмнө цахим шуудангаар илгээх юм байна.