2023 оны Элсэлтийн ерөнхий шалгалт өчигдөр түүх, англи хэлний хичээлээр эхэлсэн билээ.

Тэгвэл түүхийн шалгалтад улсын хэмжээнд 800 оноог нэг сурагч авсан байна. Тодруулбал тус шалгалтын хамгийн өндөр оноог Дундговь аймгийн Дэлгэрхангай сумын ЕБС-ийн 12а ангийн сурагч Б.Эрдэнэтуул  авчээ.

Тэрээр 2023 онд зохион байгуулагдсан Түүхийн улсын олимпиадад 2-р байр эзэлж байсан оюунлаг охин байна.

Хичээл зүтгэлийн ард амжилт, үр дүн үргэлж дагаж байдаг гэдгийн үлгэр жишээ болжээ. Баяр хүргэе.

Түүхийн шалгалтыг улсын хэмжээнд 1,214 шалгуулагч өгсөн аж.