Боловсролын зээлийн сан эрх мэдэл, албан тушаалаараа далайлгасан эрхмүүд тоносон нь ил болсон.

Тухайлбал, БШУ-ны сайд Л.Энх-Амгалангийн эхнэр М.Сэржмядаг 2005 онд Австралийн Мельбурны их сургуульд суралцахаар БЗС-гаас 33.5 мянган ам.долларын зээл авсан гэх мэдээлэл бий. Үүнээс гадна Л.Гантөмөр, Ё.Отгонбаяр зэрэг сайдуудын үед хамгийн их зээлдэгч нарыг чөлөөлөх тушаал шийдвэр гарсан гэх шүүмжлэл гараад буй юм. Тус асуудалд БШУ-ны сайд Л.Энх-Амгалан дараах тайлбарыг өгсөн юм. Тэрээр "Үе үеийн сайдууд дундаас Ё.Отгонбаяр, Л.Гантөмөр хоёр тус тус дөрвөн жил ажилласан учраас хамгийн олон тушаал гаргаж, чөлөөлөлт хийсэн. Би 2,5 жил л сайд хийж байна. 

Бусад сайд нар харьцангуй бага хугацаанд буюу 6-9 сар л ажилласан. Эдгээр сайдуудыг бүгдийг нь харьцуулаад график гаргасан байсан. Урт хугацаанд ажилласны хэрээр л олон тушаал гарна гэдгийг ойлгох хэрэгтэй." хэмээлээ.