Боловсролын зээлийн сангийн ажлын албаны дарга Д.Гарди  "zarig.mn" сайтад тодруулга өгөх үеэрээ Боловсролын зээлийн сангийн архивын материал устгагдсан талаар мэдээлэл өглөө.

Тэрбээр " 1992 онд хууль батлагдаж,  Боловсролын зээлийн сан 1993 оноос үйл ажиллагааг явуулж эхэлсэн. 1997 оноос хойш гадаад суралцах хүүхдүүдэд дэмжлэг олгож байсан. Энэ хугацаанд 3000 гаруй хүний материалаас 900 орчим нь устгагдсан. Би ажлаа хүлээж авахад Боловсролын зээлийн санд ажиллаж байсан үе үеийн мэргэжилтнүүд нь архивын материал устгаад гарсан асуудал гарсан.Энэ бүгдийг одоо ил болгож байгаа.

Боловсролын зээлийн сангаас гадаад зээлд 190 тэрбум төгрөг гаргасан. Тэтгэлэгт болон бусад хөтөлбөрүүдийг оруулбал нийт дүнгээр 230 гаруй тэрбум гаруй төгрөг гарсан. Сүүлийн 3 жилийн байдлаар  жилдээ 150-200 мянган ам.долларын эргэн төлөлт хийгдэж байсан. Цаашид сайжруулаад явна " гэв.