Эцэг эх нь орон нутгийн хаягтай, хотод түрээсийн байранд амьдардаг иргэдийн хүүхдийн харьяаллын дагуу сургууль цэцэрлэгт бүртгэх эсэх асуудлаар БШУЯ-ны Бага, дунд боловсролын газрын дарга Т.Ням-Очироос тодрууллаа. Тэрбээр " Олон жил замбараагүй хаягжилт, шилжилт хөдөлгөөнтэй л холбоотой. Энэ жил бүх системийг нэгтгэж ажиллаж байгаа болохоор хүндрэл гарахыг үгүйсгэхгүй. Гэхдээ дараа дараа жил жигдрээд явах зүйл юм. Нийт 78 мянган зургаан настай хүүхдийн мэдээлэл бий. Өчигдрийн байдлаар 64 мянган хүүхэд бичиг баримтын асуудалгүй болсон. Цаана нь найман мянган хүүхдийн асуудал хянагдаж байна. Түр түдгэлзүүлсэн төлөвт дөрвөн мянга орчим хүүхдийн мэдээлэл байна. Тэд шаардлагатай бол хороондоо хандах хэрэгтэй. Хуурамч бичиг баримт бүрдүүлсэн 200 гаруй хүүхдийг бүртгэхээс татгалзсан байгаа. " гэв.