Ерөнхий боловсролын сургуулийн сурагчдын амралт эдгээр өдрүүдэд үргэлжилж буй. Тэгвэл ирэх хоёрдугаар сарын 1-нээс цэцэрлэг, сургуулийг танхимаар ажиллуулахыг дэмжих эсэх талаар судалгаа хийж байна.

Тодруулбал, Боловсрол, шинжлэх ухааны яамны харьяа агентлаг Боловсролын хүрээлэнгээс хоёрдугаар сарын 1-нээс сургууль, цэцэрлэгийн үйл ажиллагаа танхимын хэлбэрээр эхлэхтэй холбогдуулан онлайн судалгаа авч эхэлжээ.

Боловсрол, соёл урлагийн газрын мэргэжилтэн, сургуулийн удирдах ажилтан, багш, эцэг, эхчүүдийг хамруулж буй энэ тандалт судалгаанд “2021 оны 2-р сарын 01-нээс цэцэрлэг, сургуулийг танхимын хэлбэрээр ажиллуулахыг дэмжиж байна уу?” гэсэн асуулт байгаа бөгөөд 

• Тийм дэмжиж байна.
• Цар тахал гараагүй аймгуудад нээхийг дэмжиж байна.
• Сургууль, цэцэрлэгүүдэд хүүхдийн тоо цөөн байхаар хуваарилалт хийж ажиллуулахыг дэмжиж байна.
• Огт дэмжихгүй байна.
• Бусад гэсэн хариултуудаас сонгохоор санал асуулгад оролцож болох нь ээ.