Монголын оюун ухааны академийн тамирчид олон улсын тэмцээнд оролцохоор БНХАУ-ыг зорьсон. Олон улсын ой тогтоолтын холбооноос зохион байгуулж буй дэлхийн аварга шалгаруулах тэмцээнд оюунаа сорьж байгаа манай улсын тамирчид дэлхийн чансааг шинэчилсэн сайхан мэдээг дуулгалаа.

Монголын баг тамирчид одоогоор 45 медалиас 31-ийг нь авах болзол хангаж, дэлхийн гурван дээд амжилтыг шинэчлэн тогтоогоод байна. Тухайлбал, Монголын оюун ухааны академийн тамирчин, Азийн мастер Б.Жамбалбаярням “Зураг” төрлийн бага насны ангилалд таван минутад 333 зураг тогтоон дэлхийн дээд амжилтыг шинэчилжээ. 

Ой тогтоолтын дэлхийн аварга шалгаруулах тэмцээнд орон орны шилдэг 130 орчим тамирчин өрсөлдөж байгаа юм.

Эх сурвалж: "Монголын үнэн" сонин