"Abu robocon-2019 Mongolia" олон улсын тэмцээн энэ сарын 25-нд "Буянт-Ухаа" цогцолборт болох гэж байна. Энэхүү тэмцээний зохион байгуулагчид өнөөдөр мэдээлэл хийлээ.

Японы NHK телевиз 1991 онд санаачилж байсан уг тэмцээний дүрмийг энэ жил манай улс санаачилж буйгаараа онцлогтой. Тиймээс ч роботууд Монголын уламжлалт наадгай болох шагай хаях ёстой. Шагай хаяж, морь буулгаснаар илүү өндөр оноо авах юм.  Тус тэмцээнд дэлхийн 16 орны 17 баг өрсөлдөх юм.