Бид өмнө нь сургалтын төлбөр авдаггүй, их дээд сургуулиуд нь 100 хувь нээлттэй улс орнуудын талаар хүргэсэн билээ. Харин энэ удаад тэдгээр орнуудын нэгд багтдаг Швед улсад хэрхэн тэтгэлгээр суралцах тухай ОНЦОЛЖ байна.

Тэтгэлэгт:

• Сургалтын төлбөр
• Амьжиргааны зардал
• Зарим аялал жуулчлалын зардал
• Даатгалын төлбөр зэрэг багтдаг.

Монгол Улс дахь Шведийн Элчин сайдын яамаар дамжуулан хамрагддаг тус улсын Засгийн газрын энэ оны тэтгэлэгийн тухайд:

Өргөдөл авах эцсийн хугацаа: 2018.5.1
Өргөдөл нээгдэх хугацаа: 2018.3.1

Тэтгэлэг олгох оюутны тоо: 10+

Тавигдах шаардлага: 
-Олон улсад хүлээн зөвшөөрөгдөх бакалаврын зэрэгтэй байх
-16-64 хүртлэх насны иргэн байх
-Сүүлийн 1 жил Швед улсад суурьшаагүй байх

Мэргэжил:

• Хөдөө аж ахуй
• Боловсрол шинжлэх ухаан
• Инженерчлэл
• Санхүү, нягтлан бодох бүртгэл
• Мэдээллийн технологи, компьютерийн шинжлэх ухаан
• Хэл шинжлэл
• Хууль эрхзүй
• Менежмент
• Анагаахын шинжлэх ухаан
• Шинжлэх ухаан
• Үйлчилгээ
• Нийгмийн ухаан ба  хүмүүнлэгийн салбар
• Бүтээлч урлаг ба дизайн
• Бизнес эдийн засаг, маркетинг зэрэг мэргэжлээр бакалавр, магистр, докторын сургалтын хөтөлбөрт хамрагдах боломжтой. Дэлгэрэнгүй мэдээллийг  ЭНД дарж авна уу.  

Түүнээс гадна өөрийн сонирхсон мэргэжлээрээ хүссэн сургуульдаа онлайнаар өргөдөл гаргаж болно. Хэрэв сонирхож байгаа бол өнөөдрөөс эхлэн их дээд сургуулиудын талаар судалж, хүссэн сургуульдаа өргөдөл илгээж үзээрэй.  Учир нь, тэтгэлэгт хөтөлбөрт өргөдөл авах хугацаа хоёрдугаар сарын 09-нд /2018.02-09/ дуусгавар болно. Тиймээс та бүхэн тэтгэлэгт хөтөлбөр, болон судлах мэргэжлийнхээ талаарх мэдээлийг https://si.se/en/apply/scholarships/ сайтаас аваарай. Гол нь та энэ оны өргөдлөө хоёрдугаар сарын 05-наас өмнө https://www.facebook.com/swedishinstitutescholarships/ хуудсаар холбогдож илгээнэ гэдгийг санаарай.

2018 онд Шведийн боловсролын институтээс 150 гаруй улсын иргэдэд зориулсан 450 орчим тэтгэлгийг олгох  аж. Тэтгэлэгт хамрагдах боломжтой орны иргэншилд Монгол Улс багтсан билээ.

Харин хувиараа хандах бол хэрхэн яаж өргөдлөө илгээх талаар мэдээлэл хүргэе.

Бакалаврын эсвэл мастерийн түвшинд суралцах ерөнхий шаардлагыг хангасан тохиолдолд тухайн хөтөлбөрт хамрагдахыг хүсч буй өргөдлөө илгээнэ. Жишээ нь, инженерийн курсийн оюутнууд математикийн өндөр түвшний мэдлэгтэй байхыг шаардлагатай.

Онлайнаар өргөдлөө хэрхэн илгээх вэ?

1. Сургалтын хөтөлбөрөө сонгох

Та нэг удаад найм хүртэлх сургалтын хөтөлбөрт өргөдөл илгээж болно. Сонгож болох мэргэжил, сургалтын хөтөлбөрүүдийн талаар https://si.se/en/apply/scholarships/ сайтаас харж, сонголтоо хийж болно.

2. Шаардлагыг хангасан эсэх шалгана уу

Хөтөлбөр бүр ерөнхий нэвтрэх шаардлагууд болон хөтөлбөрийн онцлог оролтын шаардлагууд хамаарна. Хүсэлт гаргахыг хүссэн хөтөлбөртөө шийдсэний дараа таны шалгуур үзүүлэлтийг тодорхойлохын тулд удирдамжийн хоёр багцыг шалгана уу:

3. Онлайнаар илгээх

Программууд нь Universityadmissions.se вэбсайтаар дамжин хийгддэг бөгөөд та Швед улсын өнцөг булан бүрт байрлах өөр өөр сургуулиудад өргөдлөө илгээж болно.

Өргөдөлд дараах зүйлс багтана:

• Онлайн өргөдлийн маягт (Universityadmissions.se-аас өргөдөл гаргах хэсэгт хандах)
• Мэдээллийг баталгаажуулсан байх
• Англи хэлний мэдлэг, тавигдах шаардлагыг хангасан холбогдох бичиг баримт
• Хөтөлбөрт хамрагдах шаардлагыг хангасан баримт бичиг / 2 хуудас/

4. Мэдээлэл хүлээн авсан тухай мэдэгдэл хүлээн авах

Та хүсэлт хүлээн авалтын үр дүн - Сонгох үр дүнгийн мэдэгдэл - Universityadmissions.se дээр таны өргөдөлд хамаарах он сар өдрийг сайтаас харж, сонгож болно.

5. Оршин суух зөвшөөрөл авах хүсэлт гаргах

ЕХ/ЕЭЗГ-аас гаднах улсын иргэд нь Шведэд 3-аас доошгүй жил суралцахаар төлөвлөж буй бол Шведэд суралцах зорилгоор оршин суух зөвшөөрөл хүсэх шаардлагатай. Оршин суух зөвшөөрөл авах өргөдлөө сургуулиас тэнцсэн мэдэгдэл ирсний дараа нэн даруй гаргаарай.

Тавигдах шаардлага:

• Олон улсад зөвшөөрөгдсөн их дээд сурууль төгссөн байх ёстой
• Олон улсын хэмжээнд хүлээн зөвшөөрөгдсөн TOEFL, IELTS-ийн тест хийх чадвартай байх ёстой
• Зарим улс орнуудад болон өмнөх дээд сургуульд явуулсан судалгаа

Дээр дурьдсан шаардлагуудаас гадна курс эсвэл хөтөлбөрт зориулсан бусад тусгай шаардлагуудын талаар universityadmissions.se дээрх хайлтын хэсгээс хайж болно.

IELTS-ийн академик түвшин: 5.0-7.0 оноо

TOEFL /цаасанд суурилсан/

• 7: 4.5 оноо (1-6 дугаар шат) бичсэн тестийн нийт оноо 600
• 6: 4.5 оноо (1-6 дугаар) дээр бичсэн тестийн нийт оноо 575
• 5: 4.0 оноо (1-6 оноо) бичсэн тестийн нийт оноо 530

Шведэд суралцах журмаар оршин суух эрх хүсэх

• Элчин сайдын яам дээр өөрийн биеэр ирж хүсэлтээ тавих ёстой.
• Анкетан дээрээ ямар нэгэн зуучлагчийн биш, өөртэйгээ эргээд холбоо барих мэдээллийг үлдээх хэрэгтэй. Хэрвээ элчин сайдын яам шаардлагатай гэж үзвэл таныг хувийн ярилцлагад дуудна.
• Элчин сайдын яам таны хавтаст хэргийг Швед улсын Цагаачлалын алба руу шийдвэр гаргуулахаар шилжүүлнэ.
• Швед улсын Цагаачлалын алба таны өргөдөлд нааштай шийдвэр гаргавал танд оршин суух эрхийн карт үйлдвэрлэн элчин сайдын яам руу илгээнэ.
• Элчин сайдын яаманд таны карт ирсэн тохиолдолд тантай холбоо барих бөгөөд та ирж авах боломжтой.
• Та сурах хугацаагаа дууссаны дараа Швед улсаас гарах ёстой. Та Швед улсад хичнээн ч олон жил суралцсан Швед улсад үлдэж, оршин суух эрх авах боломж ерөнхийдөө байхгүйг анхаарна уу.
• Та өргөдөлдөө орж байгаа бүх бичиг баримтыг 1 хувь хуулбартай нь өгөх ёстой.

Өргөдөлд хавсаргах бичиг баримт:

• 2 хувь бүрэн бөглөсөн гарын үсэгтэй анкет.
• 2 хувь сүүлийн 6 сард авахуулсан засваргүй зураг.
• 2 хувь паспортын нүүр хуудас харуулсан хуулбар.
• Орон тооны оюутнаар бүртгэсэн тухай баталгаа эсвэл урилга
• Их дээд сургууль, коллеж, хэлний сургуулийн урилга, баталгааг хавсаргана Мөн сургуулийн танилцуулгын захидал, мөн захидлын хуулбарыг хавсаргана.
• Захидал англи хэл дээр орчуулагдсан болон албан ёсны гарын үсэг, тамга тэмдэгтэй байх ёстой.
• Ажлын газрын тодорхойлолт /сургуулийн тодорхойлолт
• Санхүүгийн баталгаа /7300 швед кронтой тэнцэхүйц/
• Өргөдлийн төлбөр том хүн 1015 юань, 18-аас доош насны хүүхэд 505 юань. Элчин сайдын яаманд зөвхөн картаар тооцоо хийнэ (Хятадын банкны карт). Хэрвээ шуудангаар мөнгө ирүүлбэл заавал хятад мөнгөн тэмдэгт байх бөгөөд яг тааруулж явуулсан байх шаардлагатай.