Багш нар нийгмийг хангамжаа сайжруулах үүднээс "Цалин нэмэгдүүлэх түр хороо"-г байгуулан ажиллаж байгаа билээ. Тэгвэл тус хорооны гишүүд өнөөдөр Сүхбаатарын талбайд есөн дүүргийн 10 мянган багшийн хамт дуу  хоолойгоо нэгтгэн жагсаж, Засгийн газрыг ирэх сарын 15-ны дотор шаардлагын хариуг ирүүлэхийг хүслээ. 

Монгол Улсын Ерөнхий сайд Ж.Эрдэнэбатаас жагсаж буй багш нар дараах гурван зүйлийг шаарджээ. 

Үүнд:

• Багш, шинжлэх ухааны салбарын ажилтнуудын үндсэн цалингийн доод хэмжээг 1,600,000 төгрөгт хүргэх;
• 2017-2018 оны Хөдөлмөр, нийгмийн зөвшилцлийн гурван талт улсын хэлэлцээрийн 3.2-т тусгасан “Тэтгэвэр, тэтгэмж, төрийн албан хаагчдын цалин хөлсийг нэмэгдүүлэх асуудлыг эдийн засгийн нөхцөл байдал, төсвийн боломжтой уялдуулан 2018 оны улсын төсөв батлагдахаас өмнө талууд нэмэлт хэлэлцээр байгуулж, шийдвэрлүүлнэ” гэсэн заалтыг биелүүлэх;
• Боловсрол, шинжлэх ухааны салбарын ажилтнуудын нийгмийн баталгааг сайжруулах.

Жагсаалд оролцож байгаа багш нарын төлөөллүүд өдийг хүртэл тэссэн бидний тэвчээр ингэж тэсэрлээ, "Бид одоо тэвчиж чадахгүй. Цалингаа нэмэхийг шаардаж байна" гэсэн утга бүхий уриа лоозон барин жагсацгааж байсан юм.