Энэ оны хичээлийн жилд их дээд сургуулиудад элсэн суралцах оюутнуудын элсэлтийн ерөнхий шалгалт энэ сарын 14-ны өдөр буюу өнөөдөр эхэлнэ. Шалгалт орон даяар Монгол хэлний шалгалтаар зэрэг эхэлнэ. Төгсөгчид өнгөрсөн сарын 15-наас хойш бүртгэлийн дугаар нууц үгээ ашиглан суудлын хуваарь, шалгалт өгөх байр зэрэг мэдээллээ хэвлээд авчихсан байгаа билээ.

Шалгалт өгөх өдөр танхимд очихдоо бүртгэлийн хуудас, суудлын хуваарь, бүрэн дунд боловсролын үнэмлэх, цахим үнэмлэх болон мөн түүнтэй адилтгах баримт бичгийг заавал авч очсон байна. Хэрэв шалгуулагч бичиг баримтаа мартсан тохиолдолд шалгалтад орох боломжгүй гэдгийг анхаарна уу.