Монголоос ОХУ/ЗХУ-д сургууль төгсөгчдийн холбоо(МАВСУЗ), Боловсрол, соёл, шинжлэх ухаан, спортын яам, Олон улсын харилцааны хүрээлэн хамтран “Монгол-Оросын хамтын ажиллагааны асуудлууд, хэтийн төлөв” сэдэвт онол, практикийн бага хурлыг өнөөдөр буюу  энэ сарын 17-нд Төрийн ордонд хийх гэж байна.

Энэ 2017 онд ОХУ/ЗХУ-д монгол оюутан суралцаж эхэлсний 95, Монголоос ОХУ/ЗХУ-д сургууль төгсөгчдийн “МАВСУЗ” холбоо байгуулагдсаны 45 жилийн ой тохиож байгаа юм байна. 

Энэ удаагийн онол, практикийн бага хурлаар манай төгсөгчдийн эх орныхоо бүтээн байгуулалтад оруулж буй хувь нэмэр, хоёр орны хамтын ажиллагааны өнөөгийн байдал, хэтийн төлвийн асуудал түлхүү яригдах гэнэ.