Ерөнхий боловсролын сургуулийн сурагчдын амралт өнөөдөр дуусч, ирэх даваа гариг буюу нэгдүгээр сарын 30-ны өдөр хичээлдээ орох юм. Хүйтний эрч эрс чангарч томуу, томуу төст өвчний дэгдэлтээс урьдчилан сэргийлэх зорилгоор ийнхүү ЕБС-ийн сурагчдын амралтыг нэгдүгээр сарын 27-ныг дуустал сунгах тухай БСШУС-ын сайдын тушаал гарсан билээ.

Түүнчлэн томуу, томуу төст өвчлөлийн дэгдэлт өндөр хувьтай, цаг агаар эрс хүйтэрч байгаа зэрэг шалтгааны улмаас Ховд, Завхан аймгийн Засаг дарга нар БСШУСЯ-нд хандаж хүсэлт гаргажээ. Энэ  дагуу БСШУС-ын сайд дээрх хоёр аймгийн сурагчдын амралтыг мөн нэгдүгээр сарын 30-ныг хүртэл сунгахаар шийдвэрлэсэн юм.