Дотоодын технологийн салбарт 2008 оноос үйл ажиллагаа явуулж байгаа "Болорсофт" компани монгол хэлний үг, үсгийн алдаа шалгадаг шинэ системээ өчигдрөөс хэрэглээнд нэвтрүүлсэн байна. Нийт 60 орчим сая үгийн сантай "Болор дуран 2.0" программын тусламжтайгаар эх хэлээрээ зөв, үг үсгийн алдаагүй бичиж хэвших боломж бүрдэнэ гэж бүтээгч нар үзэж байгаа аж. Энэхүү программыг албан ёсны эрхтэй буюу "Microsoft" компанитай хамтын ажиллагааны хүрээнд боловсруулсан байна. Харин хөгжүүлэлтийн хувьд судалгааны ажил нь 2010 оноос эхэлжээ.