Элсэлтийн ерөнхий шалгалт энэ сарын 15-наас Монгол хэл, бичгийн шалгалтаар эхэлнэ. Үүнтэй холбогдуулан Боловсролын үнэлгээний төвөөс гаргасан 2016 оны шалгалтуудын хариултын хуудасны шинэ загварыг нийтэллээ.

Нэмж өгүүлэхэд, элсэгчид шалгалт болохоос 30 минутын өмнө анги танхимдаа орсон байх ёстой бөгөөд энэ жил хариултын хуудсан дээр харандаагаар, шалгалтын дэвтэр дээр хөх ба хар өнгийн үзгэн балаар тэмдэглэгээ хийх юм. 

Мөн шалгалт өгөхөөр очихдоо суудлын хуваарь, бүрэн дунд боловсролын үнэмлэх, түүнээс дээш боловсролын бичиг баримт, цахим үнэмлэх болон түүнтэй адилтгах бичиг баримтаа бүрдүүлж ирэх ёстой ажээ.