МУИС-д бүтцийн өөрчлөлт хийх асуудал өнгөрөгч 2013 оны 12 дугаар сараас яригдаж эхэлсэн билээ. Харин зарим нь хэрэгжиж эхэлсэн. Гэтэл энэхүү өөрчлөлт, шинэчлэлтийг ул суурьтай, хамт олныхоо санал, судалгаан дээр тулгуурлаж хийх хэрэгтэй гэж үзсэн багш нар нэгдэж “МУИС-д Ардчиллыг сэргээх түр хороо”-г байгуулаад байсан.

Тэгвэл тус түр хорооны гишүүн МУИС-ийн Сэтгүүлзүйн тэнхмийн багш Б.Болд-Эрдэнийн нэр дээр Сүхбаатар дүүргийн Иргэний хэргийн анхан шатны I шүүхэд хүсэлт гаргасан байна.
Шүүхэд гаргасан энэхүү хүсэлтийг авч үзээд дүүргийн Иргэний хэргийн анхан шатны нэгдүгээр шүүхийн шүүгч Т.Энхжаргал энэ сарын 07-ны өдөр түр түдгэлзүүлэх захирамж гаргажээ. Ингэснээр МУИС-д хийгдэж буй бүтцийн өөрчлөлт түр завсарлаж байгаа аж.