Нийслэлийн ЕБС-ийн сурагчдын үнэмлэхийг нэгдсэн системд шилжүүлж, смарт карт гаргажээ. Энэ смарт картаар сурагчид 40 гаруй төрлийн үйлчилгээ авч болох юм байна. Тухайлбал, Өргөө кинотеатрт хөнгөлөлттэй кино үзэх, хүүхдүүдэд зориулсан лавлах утаснууд руу холбогдох, нийтийн тээврээр үйлчлүүлэх зэрэг цогц байдлаар ашиглах аж. Нийслэлийн 200 ЕБС-иас 125 сургуулийн сурагчид смарт карт ашиглахаар болжээ. Смарт карт тус бүр 1400 төгрөгийн үнэтэй бөгөөд гурван жилийн хугацаатай юм байна. Картыг ирэх сарын 1-нээс 1-11-р ангийн бүх сурагчид ашиглах юм.