Их, дээд сургуулийн оюутнуудад олгодог 70 200 төгрөгийн үндэсний тэтгэлгийг 2015 онд үргэлжлүүлэн олгоно гэдгийг Боловсрол, шинжлэх ухааны сайд Л.Гантөмөр УИХ-ын чуулганы хуралдаан дээр мэдэгдлээ. Үндэсний тэтгэлгийг олгохдоо оюутны голч оноо болон тухайн сургуулийн төгсөгчдийн хэдэн хувь нь ажлын байраар хангаддаг гэсэн үзүүлэлтүүдийг харгалзах үзэх аж. Салбарын яамны барьж буй бодлогоор 2 болон түүнээс дээш голч оноотой оюутнуудыг үндэсний тэтгэлэгт хамруулах юм байна. Ингэснээр тэтгэлэг авах оюутнуудын тоо тодорхой хэмжээгээр багасч, 2015 онд 101 мянга орчим оюутан үндэсний тэтгэлэгт хамрагдах тооцоог боловсролын яам хийжээ.