47 настай, хоёр хүүхдийн ээж Масако Мизутани дөнгөж 20 шүргэж байгаа мэт харагддаг. Загвар өмсөгч, жүжигчин Масаког “мөнхийн залуу леди” гэж нутагт нь нэрлэдэг.

Масако 1968 оны 9-р сарын 15-нд төрсөн, том охин нь 23 настай. Сонирхолтой нь, Масако пластик мэс засал огт хийлгээгүй юм байна.

Мөнхийн залуу харагдахын тулд Масако өдөрт 5 цагийг нүүр амаа арчлахад зориулдаг аж. Үүн дээр сайн унтаж авах цаг, эрүүл хооллолт, биеийн дасгал зэргийг нэмнэ. Гоо сайхан золиос шаарддаг хойно, аргагүй ээ.

Мэдээж, ажил хийх цаг зав үлддэггүй учраас Масако гэрийн эзэгтэй болжээ. Хааяа нэг зар сурталчилгаанд тоглодог гэнэ.

Масакогийн “мөнх залуугаараа байх дүрэм”-ийг танилцуулъя.

– Аль болох их ус уух. Ус бие организмаас хортой бодисуудыг гадагшлуулдаг.
– Зөвхөн шинэ, эрүүл, зохистой хоол хүнс хэрэглэх.
– Өдөрт 4 удаа хоол иднэ, бага багаар.
– Зөвхөн хөнгөн нүүр будалт (макияж) хийх.
– Е витамин дээр суурилсан тос ашиглах.
– Гадаа гарахын өмнө нарнаас хамгаалах тос, хэрэгсэл ашиглах.
– Үдэш бүр унтахын өмнө нүүр цэвэрлэх, чангаруулагч, чийгшүүлэгч тос бүтээгдэхүүн хэрэглэх.
– Биеийн дасгал хийх, сайн унтаж авах, тамхи татахгүй байх.
– Стресс, үзэн ядалтаас зайлсхийх.

Масако анх 21 настайдаа загварын агентлагт ороод нүүрээ будаж сурсан аж. Өмнө нь тэр зөвхөн нарнаас хамгаалах тос, уруулын будаг л хэрэглэдэг байсан гэнэ.

Мөнхийн залуу Масако 23-тайдаа нөхөрт гарч том охиноо төрүүлсэн юм байна. Энэ үеэс тэр биеэ арчлахад анхаарал тавьж, жимс ногоо их идэн, гоо сайхны салонд очиж фитнесээр хичээллэж эхэлжээ.

26-тайдаа хоёр дахь хүүхдээ төрүүлсний дараа Масако зөвхөн япон үндэстний хоол иддэг болов. Тэр 30 хүрээд арьсаа арчлахад илүү их цаг гаргаж эхэлсэн аж. Ингээд 40 хүрээд Масако интернэтийн ачаар эх нутагтаа “мөнхийн залуу” гэгдэх болж, харин одоо 44 настайдаа дэлхий даяар алдаршлаа.