IQ буюу оюуны чадвар өндөр байх нь хүүхдээ хөхөөр хооллож байсантай холбоотой болохыг Бразилд олон жилийн турш явуулсан судалгааны дүн харуулсан байна. Энэхүү судалгааг ойролцоогоор 3500 хүн дээр төрөхөөс нь эхлээд 30 нас хүртэл нь хийжээ. Судалгааны үр дүнгээс харахад хүүхдийг хөхний сүүгээр хэр удаан хооллоно, оюуны чадвар нь тэр чинээгээр өндөр байжээ. Түүнчлэн тэр хэмжээгээрээ өндөр боловсрол эзэмшиж, өндөр цалин орлоготой ажил эрхэлж буйг судалгаанд оролцогчдоос харагджээ.